Bu gün bənzərsiz şair Ələkbər Salahzadənin (1941, Quba - 2013, Bakı) anım günüdür.

Anadil bu münasibətlə onun ən məşhur şeirlərindən birini təqdim edir:

XXX

Bir də gördün beşikdi adam,
bir də gördün bəbədi.
Bir də gördün uşaqdı adam,
bir də gördün babadı.

Bir də gördün oğuldu adam,
bir də gördün atadı.
Bir də gördün yox oldu adam,
bir də gördün fotodu.

Bir də gördün oddu adam,
bir də gördün ot oldu,
Bir də gördün adamdı adam,
bir də gördün ad oldu...


Anadil.az