Anadil Mahir Mehdinin "Oktyabr şansonu..." şeirini təqdim edir:

XXX

...Bizi izləyən kölgəni
azdırıb
bir bucaqda,
saxladarıq özümüzü
qabaqkı duracaqda.

Məndən
tək-tək enənəcən
üç-üç düşərəm səni.
Düşərik aramızdakı
ən uzun məsafəni.

Qayıdıb
məndə qapanar
səndən başlayan çevrə.
Düşərik
bir-birimizdən
verilmiş cədvəl üzrə.

Oturarıq ayaqüstdə
içdəki
basabasa.
Düşərik özümüzü də,
tutmağa yer olmasa...

...Biz
bir dəfə bəstələnib
min yol oxunan şanson...
Növbəti
sonda düşərik,
bizimki deyil bu son.


Anadil.az